Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Aleanca për Ardhmërinë e Kosovës konsideron se pushtet politik dhe ai gjyqësor po ndërmarrin aksione të bashkërenduara. Organet e rendit në Kosovë, akorduan një operacion për arrestimin e disa opozitarëve në mesin e të cilëve edhe të Glauk Konjufcës, Frashër Krasniqit dhe Dardan Molliqajt. Konsiderojmë se veprimet e pushtetit gjyqësor në Kosovë, në masë të madhe janë të koordinuara me pushtetin politik, i cili po përballet më kundërshtimin më të fuqishëm që është ushtruar ndonjëherë kundër tij. Demonizimi i opozitës dhe përndjekja e pjesëtarëve të saj, vetëm për shkak të veprimit politik, janë shenjë e regjimeve totalitare, të cilat u manifestuan shumë qartë edhe dje nga kryeministri dhe zëvendësi i tij, thuhet në reagim e Aleancës për Ardhmërinë e Kosovës. Aleanca Për Ardhmërinë e Kosovës ka dënuar edhe vendimin e Gjykatës së Nishit e cila dënoi në mungesë eprorët e Ushtrisë Çlirimtare të Kosovës për sulmin që kishin bërë ndaj forcave ushtarake e paraushtarake serbe në vitin 1998.
