Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Drejtësisë, Abelard Tahiri, në Ditën Ndërkombëtare të Drejtave të Njeriut, ka theksuar se filozofia e të drejtave të njeriut është gjithëpranishme. Ai ka thënë se kjo filozofi duhet të udhëheqë sundimin e ligjit dhe administrimin e drejtësisë në të gjitha nivelet. Tahiri në llogarinë e vet në “Facebook”, ka shkruar se si ministër i Drejtësisë ka për qellim promovimin dhe mbrojtjen e të drejtave të njeriut.
“Sot, Dita Ndërkombëtare e të Drejtave të Njeriut pasqyron idenë se çdo ditë është e duhura për të punuar për barazi, drejtësi dhe dinjitet mes njerëzve. Kjo ditë shënon nënshkrimin e Deklaratës së të Drejtave të Njeriut nga Kombet e Bashkuara, dokument bazë për vënien e standardeve në këtë fushë. Filozofia e të drejtave të njeriut është e gjithëpranishme dhe duhet të udhëheqë sundimin e ligjit dhe administrimin e drejtësisë në të gjitha nivelet. Një aspekt i rëndësishëm i rolit tim si ministër i Drejtësisë është promovimi i mbrojtjes së të drejtave të njeriut në ofrimin e shërbimeve të drejtësisë. Derisa reflektojmë për Ditën e të Drejtave të Njeriut, le të miratojmë mesazhin e kësaj dite duke luajtur rolin tonë në respektimin dhe mbrojtjen e të drejtave të njëri-tjetrit. Vendi ynë bazohet në vlerat e lirisë dhe të drejtave të njeriut, dhe duhet të bëjmë sa më shumë që këto vlera ti mbrojmë në sistemin tonë juridik”, ka shkruar Tahiri.
