Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shoqata për Kthimin e Shqiptarëve të Shpërngulur nga Trojet e Veta, me seli në Prishtinë, Republika e Kosovës, ka nderin t’ju ftojë të merrni pjesë në Tubimin Përkujtimor që organizohet me rastin e 87-vjetorit të vrasjes së patriotit dhe veprimtarit të devotshëm të çështjes kombëtare, 87-vjetorit të vrasjes së patriotit Ramë Bllaca. Ramë Bllaca ishte një figurë e shquar e rezistencës shqiptare, i cili me përkushtim dhe sakrificë të jashtëzakonshme, luftoi për mbrojtjen e të drejtave kombëtare të popullit tonë. Tubimi përkujtimor, i cili shërben si një moment reflektimi dhe nderimi për jetën dhe veprën e tij, do të mbahet më datë 27 Gusht 2024, në fshatin Bllacë të Suharekës, vendlindja e Ramë Bllacës.
Agjenda e Tubimit Përkujtimor:
- Ora 10:00: Ceremonia përkujtimore pranë Plakës Përkujtimore në fshatin Bllacë.
- Ora 10:30: Tubim përkujtimor në oborrin e xhamisë së fshatit.
Kjo ngjarje përfaqëson një mundësi të veçantë për të nderuar një nga heronjtë tanë kombëtarë dhe për të treguar respekt për sakrificën e tij në shërbim të atdheut. Prania juaj do të jetë një dëshmi e përkushtimit tuaj ndaj vlerave kombëtare dhe do të nderojë kujtimin e një figure të rëndësishme të historisë sonë.
Jeni të mirëpritur të merrni pjesë dhe të ndani këtë moment të rëndësishëm për komunitetin tonë!
Me respekt, Jahja Lluka Kryetari i Shoqatës për Kthimin e Shqiptarëve të Shpërngulur nga Trojet e Veta Prishtinë, 19 Gusht 2024
