Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari Ferizajt, kandidati i PDK-së edhe për një mandat, Agim Aliu, ka deklaruar se dëshiron të vazhdojë sukseset, vizionin dhe projektet e tij, në Ferizaj. “Është përmbushje e një vizioni, dhe të nisur dhe i shpalosur qysh më herët, dhe tashme jemi në gjysmë të këtij vizioni dhe projektet që unë kam paraqitur gjatë gjithë kësaj kohe, që janë vazhdim – plotësim i këtij vizioni, sigurisht se i pasuruar edhe me ide dhe projekte të. Tashme kam zgjeruar edhe ekipin e ekspertëve që kam pasur gjatë gjithë mandatit tim, duke ofruar energji të reja të ekspertëve”, ka thënë Aliu për mediet. Janë ide edhe të të rinjve, dhe të rejave të Ferizajt, të bashkuara edhe me idetë e profesionistëve, të profesorëve universitarë që kam pasur që katër vite në kuadër të ekipit tim. Janë projekte që tashmë kanë prekur çdo pjesë të komunës së Ferizajt, dhe secilën kategori të qytetarëve të komunës së Ferizajt që nga moshat më të vogla e deri të moshat më të mëdha pa dallim që është një gjithëpërfshirës në këto projekte, sepse Ferizaj nuk ka pasur asnjëherë një zhvillim më të hovshëm, dhe asnjëherë nuk ka pasur kaq shumë projekte, dhe kaq shumë mundësi të transformimit përmes projekteve tona. Prandaj kandidimi im është mundësia për të vazhduar suksesin e Ferizajt. Kandidimi im është që Ferizaj të njeh edhe më tutje ritme të larta të dinamikës dhe zhvillimit”, ka deklaruar mes tjerash kandidati i PDK-së, për kryetar të Ferizajt, Agim Aliu.
