Agim Aliu pret vogëlushin Endri Rexhepi, i uron botimin e librit të tij me përralla

31/12/2018 Institucionet

Në pritjet e fundit për këtë vit, i pari i Ferizajt, Agim Aliu rezervoi një pritje të veçantë për vogëlushin ferizajas, Endri Rexhepi i cili muaj më parë kishte shkruar një letër të parit të qytetit të Ferizajt, ku kishte kërkuar përmirësime në infrastrukturën e lagjes ku jeton. Kjo miqësi, e veçantë, shpërfaqë karakterin e dashur, të sinqertë e plot optimizëm të kryetarit Aliu, karshi gjithë qytetarëve, e me theks të veçantë fëmijëve. Endri pati edhe një motiv tjetër për ta vizituar kryetarin Aliu. Ai i solli këtij të fundit, përveç një letre tejet të sinqertë që vetëm një fëmijë mund ta shkruaj, solli edhe librin e tij me përralla të botuar së fundmi. Në dedikimin e kësaj letre, vogëlushi ferizajas shkruan “I dashur Kryetar i Komunës, kam nderin të uroj një Vit të Ri, të gëzuar për ju dhe familjen tuaj! Viti i ri është një fillim i ri, një kapitull i ri. Atëherë, i dashur Kryetar, lapsi është në dorën tënde për ndryshimet tona”. Kurse libri i tij, një libër sa i sinqertë po kaq i këndshëm për moshatarët e tij, shpalos përrallat dhe ëndërrimet e vogëlushit ferizajas me botën e tij fëmijërore. I pari i Ferizajt, Agim Aliu, para se t’i ndaj një dhuratë të veçantë për Festën e Vitit të Ri, tha se Endri dhe bashkëmoshatarët e tij janë shpresa në sytë tanë dhe se nga ta pret ndryshimin. Ai tutje tha se është obligimi ynë që me punën tonë të përditshme në qeverisjen e Ferizajt, t’i garantojmë një jetë më të mirë gjithë qytetarëve, veçanërisht fëmijëve që do të administrojnë në të ardhmen me këtë trashëgimi që do t’ia lëmë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara