Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeshefi Ekzekutiv i Agjencisë së Ushqimit dhe Veterinarisë z. Gjinovci, priti në takim Ushtruesin e Detyrës së Shefit të Misionit të EULEX-it në Kosovë, z. Bernd Thran. Me datën 18/08/2016, Kryeshefi Ekzekutiv i Agjencisë së Ushqimit dhe Veterinarisë, Dr. Valdet Gjinovci, priti në takim ushtruesin e Detyrës së Shefin të Misionit të EULEX-it në Kosovë, z. Bernd Thran. Arsyeja e vizitës ishte njohja me punën dhe veprimtarinë e AUV-së. Z. Gjinovci pasi shprehu nderin dhe mirënjohjen për vizitën në institucionin tonë, shpalosi një përmbledhje të shkurtë për punën dhe veprimtarinë e AUV-së. Ai tha se misioni jonë është të siguroj zbatimin e politikave dhe legjislacionit shtetëror në nivel të lartë të sigurisë ushqimore, përfshirë ushqimin e kafshëve, shëndetin e kafshëve, përkujdesjen ndaj kafshët, sigurinë e ushqimit me prejardhje bimore dhe shtazore në përputhje me standardet e BE-së. Ai me tutje shpjegoi asistencën e vazhdueshme të dhënë përmes projekteve të KE-së, në ngritjen e standardeve të sigurisë ushqimore, përafrimin e legjislacionit me atë të BE-së, me theks të veçantë në fushën fitosanitare dhe veterinare.
Agjencia e Ushqimit dhe Veterinarisë ka përfituar nga këto projekte të rëndësishme dhe një ndër t’a përmendim, projektin për ndërtimin e fabrikës së përpunimit të mbetjeve organike, projekt ky kapital i bashkfinancuar nga KE dhe Qeveria e Republikës së Kosovës. Gjithashtu z, Brand u njoftua mbi masat të cilat janë ndërmarrë nga AUV rreth situatës e shfaqjes së sëmundjes gungore të lëkurës të kafshëve e njohur si Lumpy Skin Disease, sëmundje kjo e cila ka prekur gjedhet në gjithe regjionin e Ballkanit.
Agjencia e Ushqimit dh Veterinarisë si autoritet për ruajtjen e shëndetit publik dhe shëndetit të kafshëve, ka ndërmarr të gjitha masat e nevojshme në dispozicion dhe janë duke bërë gjithqka që është e mundur për të menaxhuar dhe tejkaluar situatën në terren. Dr. Gjinovci dhe Z. Thran gjithashtu diskutuan bashkëpunimin mjaft pozitiv të AUV-së në kuadër të Menaxhimit të Integruar të Kufirit (MIK) të Kosovës si dhe bashkëpunimin me palën nga Beogradit në realizimin dhe implementimin e marrëveshjeve të dialogut, pasiqë ato kanë ndikim në veprimtarinë e AUV-së. Në fund Z. Gjinovci e falënderoi z. Thran dhe EULEX-in, për bashkëpunimin dhe mbështetjen e vazhdueshme ofruar Agjencisë së Ushqimit dhe Veterinarisë.
- Thran përgëzoi Dr. Gjinovci në progrresin mbresëlënës që kanë bërë për të zhvilluar AUV në një institucion publik, profesional dhe efektiv, në përputhshmëri me legjislacionin dhe standarde e BE-së që kanë të bëjnë me politikat e sigurisë ushqimore, veterinarisë dhe fitosanitarisë.
Pas këyre fjalimeve, Dr. Gjinovci e shoqëroi Z. Thran në vizitë në Laboratorin e Ushqimit dhe Veterinarisë ku edhe u panë për afërmi me punën në praktikë e cila bëhej nga AUV.
