Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Bredhja nëpër rrugët e Tiranës, pa punë për disa vjet rresht e oficerëve, si Bardhyl Tahiri, Adem Shehu e Dilaver Goxhai dhe e disa veteranëve të tjerë nga Shqipëria është një njollë turpi për politikat zyrtare të Tiranës dhe të Prishtinës, është një shembull i keq i nëpërkëmbjes së idealeve. Pas plot dhjetë vjet bredhjeve pa punë, në tri vitet e fundit, Adem Shehu dhe Dilaver Goxhai kanë mundur të punësohen falë përpjekjeve të tyre, ndërsa ende mbetet krejtësisht i patrajtuar dhe në një gjendje të rëndë ekonomike, koloneli, Bardhyl Tahiri dhe shumica e veteranëve të tjerë, nga mesi i atyre që kanë luftuar me armë në dorë brenda territorit të Kosovës, por edhe në UÇPMB dhe në Ushtrinë Çlirimtare Kombëtare. Kjo nuk do të thotë se ndodhen në gjendje më të mirë ata, që ishin angazhuar edhe në prapavijën e luftës, në zonat e andej kufirit.
