Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i BDI-së, Ali Ahmeti, ka pasur një takim me presidentin e Shqipërisë, Bajram Begaj, ku kanë diskutuar për zhvillimet aktuale në Maqedoninë e Veriut, rajon dhe më gjerë. Gjatë këtij takimi, të dy liderët kanë shprehur shqetësimin e përbashkët për gjendjen aktuale dhe kanë theksuar se e ardhmja e rajonit është e lidhur ngushtë me stabilitetin dhe integrimin e plotë në Bashkimin Evropian.
Ahmeti ka theksuar se, megjithë sfidat aktuale, Maqedonia e Veriut ka kapacitetet e nevojshme për të tejkaluar vështirësitë që po përballet. Ai theksoi se ajo që mungon është vullneti për t’i kaluar këto sfida, vullnet i cili duhet të jetë i ndërsjellë mes të gjitha palëve.
Një nga pikat kyçe të diskutimeve ishte rëndësia e përmirësimit të marrëdhënieve ndëretnike dhe ruajtja e frymës së Marrëveshjes Paqësore të Ohrit. Po ashtu, të dy liderët u shprehën për nevojën e respektimit të marrëveshjeve të tjera të rëndësishme, si ajo e Prespës, që hapin rrugën për një të ardhme të përbashkët evropiane për rajonin.
Takimi u përmbyll me një angazhim të përbashkët për një rrugë të qëndrueshme drejt integrimit në BE dhe për një stabilitet afatgjatë në Ballkan.
