Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Organizata ndërkombëtare “Amnesty International” i ka bërë thirrje misionit të OKB-së në Kosovë që të kërkojë falje për dështim në mbrojtjen e jetës së Mon Balajt dhe Arben Xheladinit dhe të gjithë të lënduarve të tjerë në protestën e organizuar më 10 shkurt 2007 nga Lëvizja Vetëvendosje në Prishtinë. Në Raportin e Amnesty International thuhet se të gjithë të ankuarve duhet t’u jepet dëmshpërblim i plotë për dëmin e përjetuar. Dy veprimtarë të Lëvizjes Vetëvendosje, Arben Xheladini e Mon Balaj, humbën jetën gjatë një përpjekjeje të policisë së Kombeve të Bashkuara për shpërndarjen e një proteste të kësaj lëvizjeje në shkurtin e vitit 2007. Ata vdiqën pasi pjesëtarë të njësisë speciale të Policisë nga Rumania që vepronin në kuadër të Misionit të OKB-së në Kosovë, shtinë me plumba kauçuku mbi protestuesit. Të tjerë u lënduan rëndë. Plumbat e kauçukut ishin jashtë afatit të përdorimit dhe ishin shkrepur drejt në demonstrues nga një numër prej 10 pjesëtarë të policisë rumune. Policët u kthyen në Rumani para përfundimit të hetimeve.
