Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefi i Zyrës së Bashkimit Evropian në Kosovë, Aivo Orav, njoftoi se Përfaqësuesi i Lartë i BE-së, Josep Borrell, ka rekomanduar heqjen e masave të vendosura ndaj Kosovës, ndërsa diskutimet vazhdojnë me anëtarët e Këshillit të BE-së. Orav theksoi se Bashkimi Evropian ka marrë një impuls të ri për zgjerimin e tij, por shtoi se Kosova dhe vendet e Ballkanit Perëndimor kanë ende çështje për të zgjidhur mes vete. Aderimi në BE është një çështje shumë e rëndësishme, dhe BE-ja ka obligim të përgjigjet ndaj historisë, sidomos në kontekstin e luftës së agresionit rus në Ukrainë. Duke folur për situatën në Kosovë, Orav vlerësoi reagimin profesional të Policisë së Kosovës pas sulmit në Banjskë, dhe shtoi se vendi ka shënuar progres në funksionimin e një ekonomie funksionale. Ai po ashtu e përmendi se Kuvendi i Kosovës po përballet me sfida në avancimin e ligjeve të nevojshme për zhvillimin e vendit.
