Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefi i Zyrës së Bashkimit Evropian në Kosovë, Aivo Orav, ka theksuar se Bashkimi Evropian është synimi i përbashkët i Kosovës dhe Serbisë, dhe se dialogu është një parakusht për arritjen e këtij objektivi. Në një intervistë ekskluzive për RTK2, Orav ka nënvizuar rëndësinë e normalizimit të marrëdhënieve ndërmjet dy shteteve si një hap kyç për integrimin e tyre në BE. Ai theksoi se pa arritur një marrëveshje për normalizimin, as Kosova, as Serbia nuk mund të anëtarësohen në Bashkimin Evropian. Për këtë arsye, ai vlerësoi se ndihma financiare e BE-së është një mjet për mbështetje në realizimin e reformave dhe përgatitjen e dy vendeve për anëtarësim. Gjithashtu, Orav komentoi procesin e formimit të qeverisë në Kosovë, duke theksuar se, pavarësisht zgjatjes së negociatave, është e rëndësishme që vullneti i qytetarëve të pasqyrohet në mënyrë të drejtë në procesin politik.
