Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Agjencia Kundër Korrupsionit ka filluar procedurë para hetimore edhe kundër ministres së Punëve të Jashtme, Donika Gërvalla, për shkak të dyshimit të bazuar se nuk e ka raportuar pronësinë në një kompani biznesi në Gjermani. Po ashtu, “Betimi për Drejtësi” ka raportuar javë më parë se në një hulumtim të tyre ka rezultuar se Gërvalla pos që nuk e ka deklaruar se posedon biznes në Gjermani, nuk ka treguar në AKK as se është drejtoreshë e një fondacioni në Kosovë dhe as nuk ka deklaruar pasurinë e burrit dhe fëmijëve të saj. “Lidhur me rastin e adresuar Agjencia Kundër Korrupsionit është zhvillim e sipër të procedurës së hetimeve paraprake të mbledhjes, hulumtimit dhe analizimit të dokumentacionit dhe informacioneve të tjera, relevante për rastin”, ka njoftuar mediat, në një përgjigje, AKK-ja. Nga ana tjetër, së fundi AKK-ja ka bërë kallëzim penal për ministren e Industrisë, Tregtisë dhe Sipërmarrjes, Rozeta Hajdari, e cila dyshohet se nuk kallëzoi ose kallëzoi rrejshëm pasurinë, të ardhurat dhe dhuratat.
