Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në emër të presidentit të Aleancës Kosova e Re, Behgjet Pacolli, nënkryetari Selim Pacolli ka pritur në selinë e partisë kryetarin e Organizatës së Veteranëve të Luftës së UÇK-së, Hysni Gucati, me bashkëpunëtorë. Pas takimit, Pacolli theksoi se AKR mbështet fuqishëm kërkesat e OVLUÇK-së, të cilat i cilësoi si të ligjshme dhe urgjente, megjithëse të vonuara. “Është koha e fundit që përmes ligjit t’u kthehet dinjiteti luftëtarëve të lirisë,” shkroi ai në rrjetet sociale, duke shtuar se AKR do të ofrojë përkrahje të plotë për realizimin e të drejtave ligjore të kësaj kategorie. Ai gjithashtu kritikoi trajtimin e deritanishëm institucional ndaj veteranëve, duke e quajtur të pa tolerueshëm dhe jo adekuat.
