AKTIVITET I NGJESHUR I MINISTRIT PAL LEKAJ NË GJERMANI

10/11/2017 Institucionet

Edhe në orët e pasdites së ditës së enjte, ministri i Infrastrukturës, Pal Lekaj, i cili së bashku me deputeten Teuta Haxhiu dhe me bashkëpunëtorë po qëndron për vizitë zyrtare në Gjermani, pati një agjendë mjaft të ngjeshur aktivitetesh dhe takimesh me përfaqësues të skenës politike gjermane. Delegacioni kosovar dhe ministri Lekaj  kanë pasur takime të ndara me personalitete të rëndësishme: me deputetin e Parlamentit Evropian Denis Radtke, me kryetarin e Grupit Ekonomik Reiner Jungus dhe me deputetin e CDU-së në Bundestagun Gjerman, Matthias Hauer, me të cilët është biseduar për tema të ndjeshme dhe të rëndësishme lidhur me çështjet që u përkasin të dy vendeve, në radhë të parë Kosovës, për të cilat nevojitet ndihma e Parlamentit (Bundestagut) dhe Qeverisë gjermane dhe mbështetja në Parlamentin Evropian.

Lidhur me këtë, ministri Pal Lekaj deklaroi:

“Interesimi për Kosovën ekziston  në të gjitha nivelet qeverisëse të Republikës Federale të Gjermanisë, mirëpo deri tash ka munguar  pala kosovare, e cila në disa raste sikur nuk ka shfaqur interesim të mjaftueshëm. Në ato biseda delegacioni ynë mori garanca se në partneritet të plotë do të ndodhin zhvillime pozitive për Kosovën dhe për rrugën e saj drejt anëtarësimit në BE dhe në NATO”. Delegacioni kosovar vazhdon vizitën në Gjermani, ku edhe ditët e ardhshme do të zhvillojë aktivitete të rëndësishme.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara