Aktivitet të shumta kulturore kushtuar bashkatdhetarëve në Skenderaj

17/07/2017 Institucionet

Bordi i drejtorëve i Komunës së Skenderajt i udhëhequr nga Nënkryetari Fadil Nura ka mbajtur takimin e radhës. Në hapje të takimit Nura ka kërkuar angazhime konkrete të drejtorëve në realizimin e objektivave programore të përcaktuara, me synim përmirësimin e jetës së qytetarëve të Skenderajt dhe rritjen e cilësisë së shërbimeve. Drejtorët e drejtorive kanë raportuar për realizimin e aktiviteteve, si dhe e kanë informuar nënkryetarin Nura për aktivitetet që do të realizohen javëve të ardhshme. Bordi i Drejtorëve ka diskutuar për një varg çështjesh të ndryshme që ndërlidhen me realizimin e projekteve. Në këtë takim janë diskutuar: raporti i shpenzimeve buxhetore, procesi i regjistrimit të nxënësve në shkollat e mesme, aktivitetet kushtuar “Ditëve të Diasporës, procesi i korrje-shirjeve, realizimi i projekteve infrastrukturore, efikasiteti i shërbimeve komunale dhe inspektimet, efikasiteti i shërbimeve gjeodezike,si dhe rritja e efikasitetit të administratës komunale karshi kërkesave për dokumentacion nga bashkatdhetarët që po i kalojnë pushimet në vendlindje. Drejtori për Kulturë Rini dhe Sport, Hajriz Koci, e ka informuar Bordin për aktivitetet që planifikohen të zhvillohen në Skenderaj në kuadër të “Ditëve të Diasporës”. Ai tha se në kuadër të “Ditëve të Diasporës”, Komuna e Skenderajt dhe Ministria e Diasporës në bashkëpunim me Ansamblin Drenica do të mbajë një varg aktivitetesh kulturore, sportive, argëtuese dhe promovuese, kushtuar bashkatdhetarëve që po i kalojnë pushimet në Kosovës. Ai ka prezantuar edhe agjendën e aktiviteteve që do të mbahen për një javë në Skenderaj, më qëllim të argëtimit të bashkatdhetarëve dhe promovimit të kulturës tradicionale të vendlindjes së tyre tek të rinjtë nga diaspora. Sipas agjendës së prezantuar në Skenderaj aktivitete kushtuar “Ditëve të Diasporës” do të ketë më datat 19, 21, 24, dhe 26 korrik. Aktiviteti kryesor do të jetë koncerti për bashkatdhetarët që do të mbahet më 26 korrik në ora 20:00, në sheshin Adem Jashari në Skenderaj.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara