Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri Albin Kurti, ka thënë se çmimet aktuale të energjisë elektrike do të zgjasin më shumë se përtej dimrit. Ai në një konferencë për medie, është shprehur se kjo krizë është trashëguar me vite të tëra. Ministria e Ekonomisë ka shprehur një interesim për të subvencionuar energjinë elektrike deri më 75 milionë euro, për të siguruar që për konsumatorët familjar që harxhojnë deri 600 kilovat dhe për konsumatorët e biznesit të mos ketë tarifë rritëse”, tha Kurti, përcjell Telegrafi. Ai ka theksuar se heqja e bllok tarifave të energjisë ka qenë një gabim i madh. “Me vite janë mbajtur kosto fiktive për qëllime elektorale. Përkundër janë larguar masa që kontribuojnë për konsum më të kujdesshëm të energjisë, sic janë bllok tarifat. Pra, heqja e tyre ka qenë gabim i madh. Kjo krizë vetëm i ka theksuar problemet që i kemi trashëguar. Fatura që na po e paguajmë është një mosveprimi për me së dy dekada dhe jemi duke ndjerë vjetërsinë e investimeve në njësitë e tona gjeneruese. Në të kaluarën institucionet kanë dështuar t’u tregojnë qytetarëve së ngrohja me rrymë nuk është e qëndrueshme, theksoi Kurti, sërish duke ua hedhur fajin qeverive të mëparshme, të cilat janë obsesioni i tij i sëmurë dhe fajtori kujdestar për çdo dështim të tij.
