Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri Albin Kurti, gjatë takimeve tri ditore në Munih nuk arriti ta takojë Sekretarin Amerikan të Shtetit, Anthony Blinken. Gjatë kësaj kohe të vetmin kontakt me diplomacinë amerikane, Kurti e pati nëpërmjet një telefonate. Ai që e thirri, ishte Derek Chollet, një këshilltar Special i Departamentit të Shtetit, rang nënsekretari, që tregoi se ka pasur një bisedë të shkëlqyeshme me Kryeministrin e Kosovës, ndërsa njoftoi se në qendër të bisedës ishte mbajtja e zgjedhjeve të Serbisë në Kosovë më 3 Prill. Por, për çudi Kurti nuk njoftoi fare për këtë bisedë, këtë nuk e bëri as zyra për media e Qeverisë, e cila njoftoi për secilin aktivitet që shefi i qeverisë pati në Gjermani. Që prej vitit të kaluar, është folur shumë për një takim të munguar Kurti-Blinken. Eksponentë të opozitës, duke parë që Kurti nuk po udhëton përtej Atlantikut, nuk hezituan të thonë se arsyeja që nuk ka vizitë në Amerikë, për takime të nivelit shtetëror, është e natyrës politike, e jo e karakterit teknik çfarë ishte përshkruar nga zyrtarë të Qeverisë.
