Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Aleanca Veriatlantike, BE-ja, Amerika dhe Anglia janë platforma që na sjellin mbrojtje e siguri sidomos në këtë kohë kur imperializmi rus e riktheu luftën në kontinentin tonë europian, kështu tha Albin Kurti gjatë qëndrimit në Maqedoni, por nuk ka përmendur faktin e njohur se pikërisht këto shtete që ai pretendon se i do shumë, i kanë vënë sanksione Kosovës, për shkak të veprimeve të tij të pamatura dhe të papërgjegjshme. Duke shfaqur delirin paranojak dhe duke pretenduar të jetë person me ndikim kudo ku bën vizita, Albini, kërkon që Maqedonia e Veriut, të jetë sa më afër Kosovës, Shqipërisë dhe Bullgarisë e sa më larg Serbisë, e cila nuk po distancohet as nga Milosheviqi e as nga Putini. Kurti nuk ka përmendur faktin se Maqedonia e Veriut, i ka vënë sanksione Rusisë, se është në rrugë drejt BE-së, se e ka njohur Pavarësinë e Kosovës, se është edhe shtet ku më në fund shqiptarët janë bërë faktor me rëndësi, por që nuk e përfillin mashtruesin dhe përçarësin Albin, sepse nuk kanë as edhe në arsye të vetme për ta përfillur një njeri, prepotent, mashtrues e arrogant, i cili e do rajonin jo të tillë sikur është, por sikur i thotë mendja e tij.
