Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Këshilli Prokurorial i Kosovës i dënoi ashpër deklaratat e pamatura, të papërgjegjshme dhe arrogante të kryeministrit të Vetëvendosjes Albin Kurti. Me rastin arrestimit të zyrtarëve të korruptuar dhe të akuzuar për keqpërdorimin e rezervave shtetërore, Albin Kurti akuzoi Prokurorinë, gjykatësit dhe mediat e keqpërdoruara pёr mbështetje tё krimit, meqë nuk beson se mund të jenë të korruptuar zyrtarët e tij, sidomos jo miku i ngushtë, Ridvan Muharremi. Këshilli Prokurorial i quajti deklaratat e kryeministrit tendencioze, të pavërteta e linçuese ndaj institucionit të Prokurorisë dhe prokurorëve të saj. I bëjmë thirrje kryeministrit dhe ministrave të kabinetit të tij qeveritar që të përmbahen nga deklaratat e vazhdueshme shantazhuese dhe rrjedhimisht nënçmuese, ndaj sistemit prokurorial të Kosovës në përgjithësi dhe ndaj punës së prokurorëve në veçanti, duke tentuar të linçojnë publikisht çdo gjë që ka të bëjë me sistemin prokurorial dhe punën e prokurorëve të shtetit”, thuhet në reagimin e Këshillit Prokurorial ku nënvizohet se sulmi dhe linçimi i kryeprokurorit dhe prokurorëve me emra dhe mbiemra, është shkelje e patolerueshme dhe tentativë e dështuar për të ndërhyrë në punën e pavarur të Prokurorit të Shtetit. Vetëvendosja ka disa dhjetëra ministra, deputetë, zyrtarë të lartë të akuzuar për krime të ndryshme, madje edhe për sulme mbi institucionet e vendit dhe të gjithë i kanë ikur dhe po i ikin drejtësisë. Kjo është pasqyra e pushtetit aktual, kur hajni bërtet, kapeni hajnin!
