Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Kosovës, Albin Kurti është paraqitur me fusnotë në mbledhjen e Stabilizim-Asociimit që u zhvillua në Bruksel ku të pranishëm ishin përfaqësuesit e lartë të vendeve evropiane. Në lidhje me këtë ka reaguar sekretari për Media dhe Komunikim në Lëvizjen Vetëvendosje, Arlind Manxhuka, duke thënë se Lëvizja VETËVENDOSJE! ishte kundër kësaj marrëveshje dhe se koha e dëshmoi se ajo nuk është fluskë bore duan të na hedhim çmimin vetëm pse e kemi kundërshtuar, pra nuk e shikojnë fusnotën në raport me Republikën, por vetëm në raport me Vetëvendosjen Pasojat që i kanë lënë qeveritë e mëparshme Albin Kurtit nuk janë përgjegjësi e tij, përkundrazi qeveria aktuale po bën përpjekje për të dalë nga logjika e fusnotës.
Po të kishte qenë Vetëvendosja në pushtet nuk do të kishte fusnotë e as marrëveshje. Manxhuka ka harruar, apo nuk ka dashur të flasë për faktin se ishte Vetëvendosja ajo, që këtë çështje e kishte bërë pjesë të kauzës dhe ishte zotuar se sapo të vinte në pushtet nuk do ta përfillte fare fusnotën, as marrëveshjet me Serbinë të arritura gjatë bisedimeve në Bruksel. Albin Kurti do ta pranojë edhe Asociacionin e Komunave Serbe me fuqi ekzekutive duke u arsyetuar se marrëveshjet ia kanë lënë trashëgim qeveritë e kaluara por ai në fushatën zgjedhore kishte premtuar se nuk do të zbatonte asnjë marrëveshje me Serbinë. (RKL)
