Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zyra e Kryeministrit të Kosovës i ka kërkuar Gjykatës Themelore në Prishtinë ta detyrojë Prokurorinë Speciale që ta marrë dëshminë e kryeministrit Albin Kurti në ambientet e Zyrës së Kryeministrit. Kryeministri ka qenë dhe mbetet i gatshëm të japë dëshminë e tij. Kërkesa që kjo të ndodhë në Zyrën e Kryeministrit është plotësisht e arsyeshme dhe nuk mund të interpretohet si shmangie nga drejtësia, thuhet në komunikatën e Zyrës së Kryeministrit. “Ka dyshime të forta që kjo thirrje nuk ka motiv ligjor, por politik. Në vend që të adresojë rastet e korrupsionit të profilit të lartë, Prokuroria po tenton të krijojë një perceptim të rremë kundër Kryeministrit,” thuhet më tej në deklaratë. Në dhjetor të vitit të kaluar, Prokuroria Speciale i kërkoi Kryeministrit Kurti të paraqitej si dëshmitar në lidhje me një hetim për dyshime mbi shpërdorimin e rezervave shtetërore.
