Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri Edi Rama sot është mikpritës i një takimi informal, të kryeministrave të Ballkanit Perëndimor dhe komisionerit për zgjerim Oliver Varheily. Synohet koordinimi dhe dalja me kërkesa të përbashkëta për Samitin Procesit të Berlinit që do të mbahet në Tetor në Tiranë. Ky takim u paralajmërua prej kryeministrit Rama gjatë turit dy ditor në 5 vende të Ballkanit Perëndimor në kuadër te presidencës shqiptare të procesit të Berlinit. Formatit 6+1 në këtë takim shikohej, si një mundësi e mirë për të shkrirë akullin mes kryeministrit Edi Rama dhe homologut Albin Kurti. Por kjo pritet të mos ndodhë. Më gjasë Albin Kurti nuk do të jetë sot në Tiranë nga ku pas shumë muaj ndërprerje dialogu me Beogradin, do të mund të takohej jo vetëm me Ramën që nuk e priti në Prishtinë por edhe me kryetarin serb Aleksandar Vuçiq apo kryeministren Ana Brnabiq. Në vend të kësaj, kreu i qeverisë së Kosovës ka zgjedhur të marrë pjesë në edicionin e 25-të të Simpoziumit Ndërkombëtar SYMI, të themeluar nga ish-kryeministri grek George Papandreou, që po mbahet aktualisht në Greqi: 16 deri në 20 Korrik. Në takimin informal në Tiranë, Kosova pritet të përfaqësohet nga Besnik Bislimi zëvendës-kryeministër dhe krye-negociator për bisedimet teknike me Beogradin.
