Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Kosovës, Albin Kurti, ka refuzuar tri ftesa të Prokurorisë Speciale dhe ka shpërfillur një urdhër të Gjykatës Themelore të Prishtinës për t’u paraqitur si dëshmitar në rastin e keqpërdorimeve me rezervat shtetërore. Pavarësisht këtij obligimi ligjor, Kurti ka vazhduar aktivitetet e tij të rregullta, duke e konsideruar të panevojshme paraqitjen në Prokurori. Ai ka deklaruar se është i gatshëm të dëshmojë nga Zyra e Kryeministrit, një praktikë që, sipas tij, është ndjekur edhe në rastet e zyrtarëve të tjerë të lartë. “Gatishmëria dhe vullneti për të dhënë dëshmi është ofruar në disa raste në Zyrën e Kryeministrit. Në të gjitha demokracitë e zhvilluara, është praktikë që zyrtarët e lartë të dëshmojnë nga zyrat e tyre për të ruajtur diskrecionin dhe shmangur politizimin,” thuhet në reagimin e Zyrës së Kryeministrit.
