Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në një intervistë për Dojçe Vele, kryeministri i Kosovës, Albin Kurti, iu ka përgjigjur shumë pyetjeve, në mënyrë diplomatike, duke zhveshur qëndrimet e Vetëvendosjes dhe duke i relativizuar skajshëm të gjitha parimet e kërkesat, njësoj si të gjitha partitë e tjera politike të Kosovës. Në pyetjen: Nëse Kosova hyn në BE në vitin 2030 – cili flamur do të valojë mbi ndërtesën e Qeverisë në Prishtinë, Kurti është përgjigjur se pas 10 vitesh në kryeqytetin e Kosovës do ta shohim flamurin europian – dhe çka është më e rëndësishme: do të shohim njerëz që kanë punë, mirëqenie dhe do të udhëtojnë të lirë në kontinent.
Ndërsa në pyetjen lidhur me idenë e bashkimit të Kosovës dhe viseve të tjera me Shqipërinë, Albin Kurti ka deklaruar: Duke i lënë njerëzit të zgjedhin është diçka tjetër se sa të sillesh si gjeneralët e Luftës së Parë Botërore, të cilët qëndronin mbi hartat e tyre. Gjithçka “do të duhej të ndodhte” në mënyrë paqësore, demokratike dhe transparente. Nëse ndodh kështu atëherë gjithçka do të jetë në rregull, ka thënë kryeministri Kurti, duke lënë krejt prapa të kaluarën, sidomos idenë e bashkimit të Kosovës me Shqipërinë, pika më e fortë e programit, e cila i ka joshur militantët e idealit të bashkimit kombëtar.
