Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përpjekja e fundit e Kryeministrit në detyrë, Albin Kurti, për të tërhequr LDK-në, në një dialog politik ka përfunduar me një refuzim të prerë. Kjo ka ndodhur pas një letre të dërguar nga Kurti në adresë të kryetarit të LDK-së, Lumir Abdixhiku, e cila është përgjigjur me një “jo” të qartë dhe të përsëritur. Zyrtarët e LDK-së kanë theksuar se ky qëndrim nuk është i ri dhe qëndrimi i partisë së tyre mbetet i pandryshuar. Nënkryetari i LDK-së, Lutfi Haziri, theksoi se përpjekja e Vetëvendosjes për të arritur një dialog është një tentativë për të mbuluar polarizimin që kanë shkaktuar. Ai e akuzoi Kurtin dhe Lëvizjen Vetëvendosje për një fjalor dhe veprime politike që kanë fragmentarizuar dhe ndarë popullatën, duke e portretizuar Vetëvendosjen si një fitues të madh që nuk ka nevojë për askënd. Deputetja e LDK-së, Doarsa Kica-Xhelili, kritikoi ashpër veprimet e Kurtit dhe i atriboi përgjegjësinë për krijimin e një politike që mbështetet në ndasi dhe përçarje.
