Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i lëvizjes Vetëvendosje, Albin Kurti, në një intervistë për “TV 1” të Bosnjës e Hercegovinës është cituar të ketë deklaruar se Qeveria Haradinaj në Kosovë nuk do të ketë jetëgjatësi pasi është qeveri e pakicës, me vetëm 52 deputetë. Ai tha se Lista serbe nuk përfaqëson interesat e serbëve të Kosovës, por më shumë është ambasadë politike e Serbisë në Kosovë. Beogradit po i ngutet që sa më parë ta bëjë zgjidhjen për Kosovën për shkak se presidenti i Kosovës, Hashim Thaçi është shumë i dobët, meqë i frikësohet Gjykatës Speciale. Serbia po e imiton Rusinë, si një oktapod i vogël me tentakulat e saj gjithandej në rajon. Në Bosnje, ajo e ka Republikën Serbe, në Mal të Zi i ka partitë e veta të cilat nuk e njohin pavarësinë e Malit të zi dhe hyrjen e tij në NATO. Në Kosovë, ajo ka strukturat e veta paralele dhe kontrollin në pjesën veriore të saj, ndërkohë që e ka në grusht edhe opozitën në Maqedoni. Ngjashëm me Federatën Ruse, e cila i ka tentakulat e saj në formë të para shteteve satelite në vendet e saj fqinje, që nga Bjellorusia e Donbasi dhe gjithandej deri në Osetinë jugore e në Abkazi ka thënë mes tjerash, Albin Kurti.
