Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Serbisë, Aleksandar Vuçiç akuzoi Ukrainën dhe një vend të paidentifikuar të BE-së për vendosjen e raporteve të rreme për bomba në avionët e pasagjerëve të Air Serbia. Që nga fillimi i pushtimit rus të Ukrainës në fund të shkurtit, më shumë se dymbëdhjetë fluturime nga Serbia janë detyruar të kthehen në Beograd, ose në Moskë. Për shkak të kërcënimit me bombë edhe aeroporti i Beogradit është evakuuar të paktën tre herë. Njëri është një vend i BE-së dhe tjetri është Ukraina”, tha Vuçiq, pa paraqitur prova. Serbia, e cila është pothuajse tërësisht e varur nga gazi dhe nafta ruse, refuzon të vendosë sanksione ndaj Kremlinit dhe mban fluturime të rregullta drejt Moskës. Në një intervistë për televizionin pro-qeveritar Pink, Vuçiq tha se Serbia po e bën këtë “jashtë parimit”. Serbia nuk vendosi sanksione ndaj Rusisë, por votoi në favor të një rezolute të OKB-së që dënon pushtimin rus të Ukrainës dhe përjashton Rusinë nga Këshilli i OKB-së për të Drejtat e Njeriut. Kjo i ka mjaftuar Evropës për ta përkëdhelur më tej Serbinë e Vuçiqit.
