Kryetari i Serbisë, Aleksandar Vuçiq, është cituar të jetë shprehur se Beogradi zyrtar nuk i refuzon bisedimet me Kosovën, por nga ajo që ka parë nga propozimi franko-gjerman, është shumë e vështirë të realizohet për Serbinë. Nuk e di si do të veproja nëse do të duhej të merrja vendim në këtë moment, pasi ata nuk na dhanë shans. Shpresoj që në dokumentin e ardhshëm, të paktën të na japin një shans”, tha Vuçiq për mediet në Serbi Rreth një muaj më parë, në opinion u shfaq informacioni se Franca dhe Gjermania u kanë ofruar udhëheqësve në Prishtinë dhe Beograd një propozim se si t’i zgjidhin mosmarrëveshjet mes dy vendeve. Propozimi nuk ishte bërë publik dhe nuk dihej se çfarë përmban saktësisht. Ambasadat e Francës dhe Gjermanisë në Kosovë nuk e konfirmuan ekzistencën e ndonjë dokumenti të tillë. Autoritete në vendin tonë thonë se marrëveshja përfundimtare me Serbinë do të duhej të përfshinte njohjen reciproke, por në Serbi, tash për tash, e kundërshtojnë një mundësi të tillë, qoftë edhe pas dhjetë vitesh.
![Aleksandar Vuçiq](https://www.radiokosovaelire.com/wp-content/uploads/aleksandar-vucic1-600x360-1-600x330.jpg)