Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Emisari i ri amerikan për Ballkanin Perëndimor, Aleksander Kasanof, ka dhënë një intervistë për gazetën serbe “Kurir,” ku ka theksuar rëndësinë e parandalimit të ndonjë konflikti të mundshëm dhe gjetjen e një rruge për normalizimin e marrëdhënieve mes Kosovës dhe Serbisë. Kasanof e ka pranuar se situata aktuale ndërmjet këtyre dy vendeve është e vështirë, por theksoi se është e domosdoshme të vazhdohet puna drejt arritjes së progresit. “Është tepër e rëndësishme që ne të gjejmë një mënyrë për të lëvizur përpara në këtë dialog, në mënyrë që të arrijmë progres dhe paqe, si dhe normalitet mes Kosovës dhe Serbisë,” ka thënë Kasanof. Ai ka theksuar rëndësinë e bisedave me qeveritë e Sarajevës, Beogradit dhe Prishtinës, duke shpresuar që të punojnë së bashku për të parandaluar mundësinë e konfliktit dhe për të shkruar një faqe të re pas episodit të keq të së kaluarës, ka përfunduar Kasanof.
