Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me pikëllim të thellë mora lajmin për ndarjen nga jeta të bashkëveprimtarit dhe bashkëluftëtarit tim, Ahmet Qeriqit, një nga themeluesit e Radios Kosova e Lirë. Ahmeti ishte një veprimtar i shquar i çështjes kombëtare, ish i burgosur politik, i cili nuk u ndal asnjëherë në luftën e tij për lirinë e popullit shqiptar.
Përmes veprimtarisë së tij, Ahmet Qeriqi ndriçoi sakrificat dhe heroizmin e popullit shqiptar gjatë luftës, duke i dhënë zë dhe shpirt kauzës për liri dhe barazi.
Kontributi i tij në ruajtjen e kujtesës kombëtare dhe pasqyrimin e të vërtetave historike do të mbetet gjithmonë i gjallë në zemrat e atyre që e njohën dhe lexuan veprat e tij.
Lavdi jetës dhe veprës së Ahmet Qeriqit, për lirinë dhe barazinë e popullit shqiptar në Kosovë!
