Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasada amerikane në Shkup e ka dënuar ashpër dhunën në Kuvendin e Maqedonisë, e cila nuk është në pajtueshmëri me demokracinë dhe nuk është mënyrë e pranueshme për të zgjidhur dallimet. Ambasada e njeh Talat Xhaferin kryetar të Kuvendit të Maqedonisë. “Është e rëndësishme që të gjitha partitë të respektojnë proceset demokratike dhe ligjin dhe të përmbahen nga aktet e dhunës e cila përkeqëson situatën. Shumica e deputetëve kanë zgjedhur Talat Xhaferin për kryetar të Kuvendit gjatë seancës së rregullt parlamentare, ku kanë qenë dëshmitarë deputetët dhe mediet. Ne do të punojmë me të për të mbështetur demokracinë dhe për të avancuar interesat e Maqedonisë”, është thënë në njoftimin e ambasadës amerikane në Maqedoni. Përkrahje për Xhaferin kishte shprehur pak orë më parë edhe Bashkimi Evropian.
