Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasada e Francës në Prishtinë nuk e ka përjashtuar mundësinë e ndërmarrjes së masave sanksionuese ndaj atyre që angazhohen për shfuqizimin e Ligjit për Gjykatën Speciale. Në deklaratën e ambasadës franceze për këtë çështje thuhet se nuk mund ta paramendojnë që një shkelje serioze e angazhimeve ndërkombëtare në Kosovë ta kalojë pa pasoja. Nga masat sanksionuese është përmendur mos dhënia e vizave të atyre deputetëve që angazhohen për shfuqizimin e Ligjit për Gjykatën Speciale. Sanksionet janë të mundshme nëse situata e kërkon atë. Por, ato mund të diskutohen dhe duhet të vendosen vetëm brenda kornizës evropiane. Nuk mund të paramendohet që një shkelje serioze e angazhimeve ndërkombëtare në Kosovë të kalojë pa pasoja. Ne mendojmë se arsyeja do të mbizotërojë, sepse është në interes të vendit, thuhet në mes tjerash deklaratën e ambasadës së Francës në Prishtinë.
