Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lajmi se diplomati amerikan, Kristofer Hill, fillon aktivitetin si ambasador i Shteteve të Bashkuara të Amerikës, në Beograd, po pritet me entuziazëm në disa qarqe politike e medie në Kosovë, madje duke e paraqitur edhe si diplomat “buldozer“. Ky ambasador, në vitin 1998 kishte kërkuar nga krerët politikë të Kosovës, veçmas nga Adem Demaçi, që Ushtrinë Çlirimtare të Kosovës ta shpallin organizatë terroriste. Me siguri se Kristofer Hill, në postin e ambasadorit amerikan në Beograd do të jetë shumë i mirëpritur në Serbi, edhe pse ai mbron qëndrimin aktual zyrtar të Shteteve të Bashkuara të Amerikës. Vetëm disa muaj më vonë, pasi Kristofer Hill, kishte kërkuar që UÇK-ja të shpallej terroriste, diplomati i mirënjohur amerikan, buldozeri i vërtetë Riçard Hollbruk, tani i ndjerë, pasi kishte vizituar luftëtarët e lirisë në Dukagjin kishte deklaruar botërisht se UÇK-ja nuk ishte organizatë terroriste, por një forcë e vullnetarëve të lirisë, që e mbronin popullatën shqiptare nga dhuna dhe terrori serb. Disa medie deklarojnë me entuziazëm se ambasadori i Amerikës, buldozeri Kristofer Hill vjen në Beograd për shkak të Kosovës, por sipas tyre edhe me detyrë speciale.
