Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadori amerikan në Kosovë, Jeffrey Hovenier, thotë se autoritetet serbe kanë paraqitur një kërkesë zyrtare për ndihmë juridike reciproke për të siguruar prova nga Kosova që mund të përdoren në ndjekjen penale të Milan Radojiçiqit, i cili ka marrë përgjegjësinë për sulmin terrorist në Banjskë të Zveçanit në shtator të vitit të kaluar. Ai është subjekt i hetimeve penale nga autoritetet serbe. Ambasadori Hovenier ka shprehur shpresën se Qeveria e Kosovës do t’i përgjigjet pozitivisht kësaj kërkese, duke theksuar rëndësinë e bashkëpunimit në mënyrë që ata që janë përfshirë në krime të japin llogari. Hovenier ka nënvizuar pritshmëritë e Shteteve të Bashkuara që Kosova dhe Serbia të përmbushin detyrimet e tyre në procesin e ndjekjes penale dhe në kuadër të dialogut mes dy vendeve.
