Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Vdekjet nga koronavirusi në Shtetet e Bashkuara të Amerikës tejkaluan shifrën 900 mijë , sipas të dhënave të Universitetit Xhon Hopkins. Universiteti me qendër në Marilandit ka regjistruar 901 mijë e 388 vdekje dhe 76,3 milionë raste që nga fillimi i pandemisë. SHBA-ja tani numëron mesatarisht 356 mijë e 658 raste të reja pasi infeksionet janë ulur me 38 për qind nga java e kaluar. Los Anxheles ka raportuar numrin më të madh të rasteve dhe vdekjeve midis qyteteve amerikane, me më shumë se 2. 6 milion infeksione dhe mbi 29 mijë vdekje. Për të parandaluar vdekjet dhe infeksionet, presidenti Joe Biden u bëri thirrje amerikanëve që të vaksinohen dhe të marrin dozën përforcuese nëse i plotësojnë kushtet. “Është falas, e lehtë dhe efektive, si dhe mund të shpëtojë jetën tuaj dhe jetën e atyre që i doni”, tha ai në një deklaratë. Deri të premten, 212 milionë amerikanë janë vaksinuar plotësisht, sipas Qendrave për Kontrollin dhe Parandalimin e Sëmundjeve.
