Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shtetet e Bashkuara të Amerikës presin që Serbia të zgjidhë rastin e djegies së ambasadës amerikane në Beograd dhe atë të vrasjes së vëllezërve Bytyçi, ka thënë ambasadori amerikan në Beograd, Antony Godfrej. “Në takimet e mia të para me ministrat e Qeverisë së Serbisë, kam biseduar për të dyja rastet. Ne kishim një dialog të hapur, duke mos lënë pas dore asnjë temë. Pjesa më e madhe e ndihmës që Shtetet e Bashkuara i japin Serbisë ka të bëjë me sundimin e ligjit. Ne presim që këto raste të zgjidhen dhe autorët të dënohen”, tha Godfrey. Ai këto komente i bëri gjatë nënshkrimit të një marrëveshjeje ndihme për Serbinë nga ana e Shteteve të Bashkuara, që kap vlerën e 20.3 milionë dollarëve. Ndërkohë ministrja për Integrime Evropiane në Qeverinë e Serbisë, Jadranka Joksimoviq, tha se secili proces i iniciuar do të ketë epilogun e tij.
