Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Duke folur për situatën shoqërore e politike në Mal të Zi, profesori amerikan, Daniel Serwer, e ka karakterizuar qeverinë e re malazeze si pro-serbe dhe pro-ruse. Ai gjithashtu thotë se nuk e di se sa mund të zgjasë pushteti i ri ekzekutiv në Mal të Zi. Ata që pretendojnë se e duan Evropën tani kanë bërë shumë pak për të treguar se ajo është prioriteti i tyre,” thotë Serwer. Edhe në Amerikë janë të shqetësuar për formimin e qeverisë, për shkak të koalicionit aktual, i cili nuk pasqyron vlerat perëndimore. Megjithatë, duket se Amerika dhe as BE-ja nuk kanë qenë proaktive në ndihmën dhe zgjidhjen e shkaqeve rrënjësore të tensionit në rajon. Serwer vëren se kjo pakujdesi, nëse e lejojnë malazezët, mund të na çojë në Moskë dhe Beograd, në vend të Brukselit dhe Uashingtonit. Mandiq do të ndikojë në politikën e jashtme të Malit të Zi I pyetur se si mund të ndikojë zgjedhja e Andrija Mandiqit në postin e kryetarit të Kuvendit në kursin e politikës së jashtme të Malit të Zi, Serwer pret që kjo të ketë një ndikim të madh në politikën e jashtme të vendit. “Por ka shumë të tjerë që duan ta çojnë Malin e Zi në Lindje, jo në Perëndim,” paralajmëron Serwer.
