Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Analisti politik, Albert Krasniqi, ka kritikuar Vetëvendosjen, për qasjen e saj ndaj vendimeve të institucioneve të drejtësisë. Ai ka vënë në pah, hipokrizinë e kësaj partie në raport me rendin ligjor. Kur vendimet e institucioneve të drejtësisë janë në favor të Vetëvendosjes theksohet rëndësia e respektimit të rendit ligjor. Por, kur vendimet nuk përputhen me interesat e tyre, bëhet thirrje për shpërfillje në emër të ‘interesit të përgjithshëm. Albert Krasniqi e ka cilësuar këtë qasje si një përpjekje për ta instrumentalizuar drejtësinë për interesa politike, duke ngritur dyshime mbi sinqeritetin e reformave të propozuara në këtë sektor. Ai ka shtuar se mesazhet që bien ndesh me parimin e pavarësisë së drejtësisë, janë edhe më shqetësuese kur bëhen nga zyrtarë të lartë të Drejtësisë. Rreziku bëhet më i madh kur mesazhe të tilla bëhen nga zëvendës-ministri i Drejtësisë,” ka theksuar, Albert Krasniqi.
