Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Komisionit Qeveritar për të Pagjeturit në Kosovë, Andin Ukshin Hoti ka deklaruar se anëtarësimi i Kosovës në Këshillin e Evropës është një hap i rëndësishëm drejt drejtësisë dhe llogaridhënies me Serbinë për krime të kryera në territorin e Kosovës. Ai ka thënë se ky hap i fundit në Komisionin e Këshillit të Evropës i jep shpresë Kosovës që të nisë procedurat për të bërë padi ndaj Serbisë për personat e zhdukur dhe për informacionet që po i kërkojnë, por që nuk po marrin. Hoti ka raportuar se deri më tani janë kryer mbi 2800 gërmime për të zbuluar fatin e personave të zhdukur, megjithëse ende ka 1598 persona të zhdukur. Ai gjithashtu ka vënë në dukje se Serbia nuk ka treguar gatishmëri për të dhënë informacione për personat e zhdukur dhe lokacionet e mundshme të tyre. Në një raport të fundit, Hoti ka treguar se gjetjet e personave të zhdukur janë të kufizuara, me vetëm 19 raste të gjetura vitin e kaluar, dhe se pritet që rezultatet për vitin aktual të vijnë në vijim.
