Andin Hoti, i dërgoi letër shefit të BE-së, J. Borrell, për mos-angazhimin e Serbisë lidhur me zbardhjen personave të zhdukur

Kryesuesi i Komisionit Qeveritar për Personat e Zhdukur në Kosovë, Andin Hoti, i ka dërguar të premten një letër përfaqësuesit të lartë të Bashkimit Evropian (BE), Josep Borrell për mosangazhimin e Serbisë për zbardhjen e fatit të personave të zhdukur me dhunë nga ushtria serbe gjatë luftës në Kosovë. Në letrën e publikuar, Hoti ka thënë se pavarësisht letrës që i ka dërguar presidentit të Serbisë, Aleksandër Vuçiq më 1 qershor, Serbia ende nuk ka ndërmarrë ndonjë veprim për këtë çështje. Në përputhshmëri me marrëveshjet me Serbinë, më 01.06.2023, e kam dërguar kërkesën e parë zyrtare tek Presidenti i Serbisë, Aleksandër Vuçiq, për të pasur akses të plotë në arkiva, por pa u kufizuar në dosjet e klasifikuara që prodhohen në Komandën e Shpërbërë të Brigadës së Motorizuar të Ushtrisë së 37-të Jugosllave. Me dhënien e aksesit të plotë në këtë material, do të shërbente të zbulohen rrethanat e të vrarëve dhe transferimi i eshtrave të zhdukur me forcë si dhe do të kontribuoj direkt në zbardhjen e fatit nga zhdukjet me forcë në rajonin e Drenicës.

Kontrolloni gjithashtu

Ganimete Musliu: Në Rashkë të Serbisë po kryhen trajnime të grupeve të caktuara për të destabilizuar situatën në Kosovë

Deputetja e PDK-së, Ganimete Musliu akuzon Qeverinë Kurti për paaftësi, mashtrime dhe kauza të rrejshme

Deputetja e PDK-së, Ganimete Musliu, ka kritikuar ashpër Qeverinë e kryeministrit Albin Kurti, duke e …