Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Andin Hoti, kryetar i Komisionit Qeveritar për Persona të Zhdukur, ka bërë të ditur se gjatë takimit të Ministrave të Punëve të Jashtme në kuadër të Procesit të Berlinit, iu është kërkuar Serbisë të hapë arkivat për të pagjeturit nga luftërat në ish-Jugosllavi. Hoti theksoi se një ministri të Bashkimit Evropian iu ka drejtuar një mesazh i qartë Serbisë, duke thënë se çështja e të pagjeturve është e zgjidhshme nëse ata bien dakord të hapin arkivat. Hoti ka deklaruar se kjo bisedë ndodhi në një moment kritik, ku për herë të parë në Berlin u diskutua hapur për të pagjeturit, një çështje që prek thellësisht emocionet e familjeve të prekur. Ai e cilësoi këtë takim si një mundësi për të tërhequr vëmendjen e ministrave evropianë mbi numrin alarmant të personave të zhdukur në Ballkan, duke përmendur se rreth 11,000 persona janë të zhdukur, prej të cilëve rreth 1,600 nga lufta e fundit në Kosovë.
