Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas Shteteve të Bashkuara të Amerikës, edhe partia e Angela Merkelit, CDU, një partner i Partisë Demokratike, pozicionohet kundër bojkotit të parlamentit dhe zgjedhjeve parlamentare nga opozita në Shqipëri. Përmes një letre të mbërritur në selinë e demokratëve, e cila mban datën 23 mars, zëvendëskryetari i grupit të CDU-CSU në Parlamentin gjerman, Franc Josef Jung, i cili është njëkohësisht edhe shefi i politikës së jashtme në CDU, si dhe ministër i Mbrojtjes së Gjermanisë, i kërkon Lulzim Bashës të heqë dorë nga rruga e bojkotit të zgjedhjeve. Në letrën e Jungut sqarohet se CDU pajtohet me shqetësimet e opozitës për shitblerjen e votës, por shton gjithashtu se bojkoti nuk është zgjidhje në një kohë kur Brukseli pret zbatimin e Reformës në Drejtësi. CDU dhe CSU, thotë zëvendëskryetari i grupit parlamentar të Bundestagut, është shumë e shqetësuar që në zgjedhjet e 18 qershorit mund të ketë falsifikim të madh si rezultat i blerjes së votave dhe mjeteve të tjera, por bojkotin ai e cilëson si rrugë të gabuar, përfshirë këtu edhe kërkesën për qeveri teknike.
