Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komuna e Prishtinës ka njoftuar se vizita e planifikuar e Dr. Bernard Kouchner në Kosovë për datën 11 qershor 2024 është anuluar për shkak të çështjeve logjistike të ndërlidhura me Dr. Kouchner. Ish-përfaqësuesi i Lartë i Sekretarit të Përgjithshëm të OKB-së në Kosovë, Bernard Kouchner, kishte planifikuar të vizitonte Kosovën të martën dhe të mërkurën. Ambasada e Francës njoftoi se gjatë vizitës së tij, Kouchner do të pritej nga kryetarja Vjosa Osmani dhe kryeministri Albin Kurti. Gjatë kësaj vizite, Kouchner do të nderohej me “Çelësin e Qytetit” nga kryetari i Prishtinës, Përparim Rama, dhe do të merrte pjesë në zbulimin e një pllake të një rruge të emërtuar me emrin e tij. Po ashtu, më 12 qershor, Kouchner do t’i drejtohej Kuvendit të Kosovës në një seancë solemne. Gjatë qëndrimit të tij, ai kishte planifikuar të vizitonte edhe Graçanicën. Anulimi i këtyre ngjarjeve vjen si rezultat i problemeve logjistike dhe Komuna e Prishtinës nuk ka dhënë detaje të mëtejshme lidhur me riorganizimin e vizitës në të ardhmen.
