Lidhja Demokratike e Kosovës synon që të ruajë votat që ka pasur në zgjedhjet e kaluara dhe me një fushatë të mirë mund të dalë edhe partia e parë, vlerëson sekretari i kësaj partie Arban Abrashi. Ai në një prononcim, ka thënë se kjo parti është shumë më mirë se sa ajo çfarë po prezantohet në sondazhe të ndryshme. “Ka shumë sondazhe të tilla të cilat po organizohen në forma të çuditshme për ne, të cilat i refuzojmë ato sepse nuk janë sondazhe të vërteta se reflektojnë saktë disponimin e qytetarëve të Kosovës karshi partive politike. Atë çka po shohim ne në teren disponimi është shumë më ndryshe se sa në sondazhe”. “Ne do t’i ruajmë votat tona dhe me një fushatë të mirë në qofte se mund të shpalosim shumë mirë projektin për vitet e ardhshme posaçërisht ato që lidhen me investimet amerikane dhe punësimin besoj që do të dalim edhe partia e parë”, është shprehur ai. Abrashi i cili është edhe kandidat i LDK-së për deputet, ka thënë se s’ka largim të votueseve të LDK-së, pas largimit të Vjosa Osmanit e cila garon në një listë të përbashkët me Vetëvendosjen.
![Arban Abrashi: LDK-ja synon që të ruajë votat që ka pasur në zgjedhjet e kaluara dhe mund të dalë edhe partia e parë](https://www.radiokosovaelire.com/wp-content/uploads/abrashi-12-660x330.jpg)