Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-ministri i Punës dhe Mirëqenies Sociale, Arban Abrashi, do të jetë kandidat i LDK-së për kryetar të Prishtinës, në zgjedhjet lokale të 22 tetorit. Kështu kanë bërë të ditur burime të “Zeri.info”, brenda këtij subjekti politik. “Po Kryesia ka vendosur që Abrashi të jetë kandidat i LDK-së për Prishtinën”,thuhet në këtë burim. Rrjedhimisht, Abrashi do të jetë në garë me kryetarin aktual Shpend Ahmeti nga Vetëvendosja dhe Arbër Vllahiun të kandiduar nga AAK-ja. Derisa, PDK-ja ende nuk ka njoftuar për emrin me të cilin synon ta marrë Prishtinën. Ndryshe, për t’u kandiduar nga LDK-ja për Prishtinën, synime haptas ka pasur edhe ish-kryetari i Prishtinës, Ismet Beqiri. Megjithatë, LDK-ja ka vendosur që me Arban Abrashin të synojë ta kthejë qeverisjen në kryeqytet, pasi kryetari i saj Isa Mustafa humbi drejtimin e komunës në dhjetor të 2013-s, në balotazh me Shpend Ahmetin.
