Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetari i BDI-së, Arbër Ademi, ka akuzuar koalicionin qeveritar të Maqedonisë së Veriut se po përgatitet të shfuqizojë Ligjin për përdorimin e gjuhëve, duke e cilësuar këtë si një përpjekje për të zhbërë statusin e gjuhës shqipe si gjuhë zyrtare në vend. Ai theksoi se koalicioni VMRO-VLEN-ZNAM duket se ka marrë vendimin për shfuqizimin e këtij ligji, ndërsa kritikon mediat e afërta me VMRO-në për përpjekjet e tyre për të justifikuar këtë veprim duke u thirrur në një vendim të Komisionit të Venecias. Sipas tij, këto media po përpiqen të ngushëllojnë opinionin publik me pretendime se, edhe nëse shfuqizohet përdorimi zyrtar i shqipes, do të përgatitet një ligj më i mirë për gjuhën shqipe. Ademi ka bërë një apel të fortë ndaj drejtuesve të partive shqiptare që janë pjesë e koalicionit qeveritar, duke i ftuar ata që të mos lejojnë ndryshimin e statusit të gjuhës shqipe.
