Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ardian Gjini nga AAK ka deklaruar se ende nuk beson që lideri i Nismës, Fatmir Limaj, do të negociojë me Vetëvendosjen për krijimin e qeverisë së re nën Albin Kurtin. Gjini tha se deklaratat e Limajt erdhën në një kohë të papërshtatshme, pasi votat ende nuk janë numëruar të gjitha dhe ka paqartësi mbi numrin e saktë të deputetëve. Gjini ka insistuar se “nuk ka logjikë” që Limaj të bashkohet me VV-në dhe ka theksuar se Nisma do të qëndrojë me AAK-në në përpjekjet për të formuar një qeveri opozitare bashkë me PDK-në dhe LDK-në. Gjini theksoi se zyrtarë të AAK-së janë takuar me përfaqësues të Nismës, ku është konfirmuar se qëndrimi i tyre mbetet i pandryshuar. Sipas tij, deklaratat e fundit që kanë qarkulluar kanë krijuar konfuzion të panevojshëm.
