Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetari i AAK-së, Ardian Gjini, ka akuzuar kryeministrin Albin Kurti për udhëheqjen e politikave që, sipas tij, i shërbejnë planeve serbe për të dëmtuar shtetin e Kosovës. Në një deklaratë për mediat, Gjini theksoi se Serbia ka hartuar plane të detajuara për destabilizimin dhe zhbërjen e Kosovës, ndërsa veprimet e Kurtit, me apo pa qëllim, kanë ndjekur këto projekte. Ai përmendi katër hapat kryesorë të këtyre planeve: prishjen e marrëdhënieve me Perëndimin, veçanërisht me SHBA-të, përçarjen e brendshme të qytetarëve, degradimin ekonomik dhe rritjen e mosbesimit ndaj pavarësisë së Kosovës. Sipas Gjinit, situata aktuale nën sanksione ndërkombëtare dhe mungesa e përmirësimit të marrëdhënieve me aleatët perëndimorë është rezultat i drejtpërdrejtë i këtyre politikave të ndjekura nga kryeministri Kurti.
