Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e PDK-së, Ariana Musliu-Shoshi e cila kohë më parë kishte denoncuar aferën e keqpërdorimit të mbi 1 milion eurove me miratim të ministrave: Donika Shwarz dhe Fikrim Damka, tha se pjesë e kësaj afere po del të jetë edhe zëvendësministrja Liza Gashi. Në përfitimin e 1 milion e 40 mijë eurove që iu dhanë kundërligjshëm një organizate joqeveritare me miratimin e ministrave Fikrim Damka e Donika Shwarz, po del se ka gisht edhe zv. ministrja Liza Gashi, pasiqë në memorandimin e bashkëpunimit është përfshirë edhe organizata GERMIN. Ajo tha se Liza Gashi përveç që ka qenë drejtuese e organizatës “GERMIN”, deri në ditën kur u emërua zëvendësministre, është zotuar se do ta mbështes këtë organizatë bashkë me “shërbyesit” e saj nga Ministria e Diasporës. “E këta ‘shërbyes’ të zellshëm vazhdojnë të shpërblehen me pozita drejtuese në Ministrinë e Punëve të Jashtme, në kundërshtim me ligjet në fuqi. Projkti ka filluar të zbatohet e si pasojë e keqpërdorimit nuk do të amnistohet nga organet e drejtësisë as Liza as ‘shërbyesit’ e saj! Zonja Liza, ministria nuk është botë e çudirave”, u shpreh Ariana Musliu-Shoshi.
