leoni

Arrihet marrëveshje për njohjen reciproke të Certifikatave ARD në Bruksel

21/04/2016 Institucionet

Me ndërmjetësimin e BE-së, në Bruksel, pas bisedimeve maratonike dhe në një atmosferë të rëndë e të tensionuar, rreth orës 3:30 pas mesnate është arritur marrëveshja për njohjen reciproke të certifikatave për transportin e mallrave të rrezikshme ADR në mes të dy shteteve, Kosovës dhe Serbisë, ka njoftuar ministrja për Dialog Edita Tahiri, e cila ka theksuar se kjo marrëveshje konfirmon se Serbia ka njohur shtetin e Kosovës në fushën e transportit të mallrave të rrezikshme.

Njohja reciproke e certifikatave të ADR-së (The European Agreement concerning the International Carriage of Dangerous Goods by Road) është njohje e dokumenteve shtetërore të Republikës së Kosovës nga ana e Serbisë. Certifikata ADR për shoferë është dokument shtetëror, i cili përmban stemën shtetërore, si dhe është konform konventës së OKB-së për ADR. Deri tash, Kosova ka arritur njohje reciproke të certifikatave të ADR-së me shumë shtete anëtare të Bashkimit Evropian, shtetet e rajonit e më gjerë dhe kësaj liste tani i shtohet edhe Serbia.

Delegacioni i Republikës së Kosovës, i udhëhequr nga ministrja Tahiri, kishte në përbërje edhe Hykmete Bajrami, ministre në Ministrinë e Tregtisë dhe Industrisë, Gazmir Raci, këshilltar politik i ministres Edita Tahiri dhe koordinator i çështjes, Fejzulla Mustafa, udhëheqës i sektorit të transportit të mallrave të rrezikshme në Ministrinë e Infrastrukturës, Bekim Mehmetaj, udhëheqës i sektorit IBM në Doganën e Kosovës, Lulzim Krasniqi, këshilltar politik i ministres Bajrami dhe Zef Dedaj, udhëheqës i divizionit për politika tregtare në Ministrinë e Tregtisë dhe Industrisë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara